#Zochitika
Nkhani za masewera

>Potsatira chilengezo cha mgwirizano wovomerezeka wa Carling Black Label ndi timu yampira wamiyendo ya Kaizer Chiefs yamdziko la South Africa, othandizira afotokoza kuti palibe kutsutsana kwa chidwi ndi mgwirizanowu. Mbali ziwirizi zalengeza za ...mgwirizano watsopano wa zaka zisanu mu mzinda wa Johannesburg, mwambo umene kunali akuluakulu a timu ya Kaizer Chiefs, akatswiri akale amasewera a mpira, okonda masewerawa, akuluakulu a kampani yophika mowa wa Carling Black Label, komanso atolankhani. Kampaniyi imathandizanso mipikisano ya Carling Black Label Knockout ndi Carling Cup, ndipo wamkulu wa mtundu wa mowa wa Carling Black Label, Kerryn Greenleaf, watsimikiza kuti palibe kusamvana kapena kutsutsana kulikonse ndi chilengezo cha mgwirizano watsopanowu.......

>Bwalo lasesedwa la mpikisano wa TotalEnergies CAF Champions League 2025/2026 mapeto a sabata ino pamene masewera amagulu akumalizika, ndipo matimu awiri a pamwamba mu gulu lililonse omwe apitilire kufika mu ndime ya quarter-final adziwike. Matimu atatu okha omwe afika mu ndime ya quarter-final adziwika, kusiya ziphaso za matimu asanu otsala. Pyramids FC yamdziko la Egypt imene ikuteteza chikho cha mpikisanowu, Al-Ahly- nayonso yamdziko la Egypt, ndi Stade Malien yamdziko la Mali apeza kale malo m'ma quaerter-final, kwa ena onse mwayi opitilira utsimikizika pakutha kwa mphindi 90. Mu Gulu A, Pyramids yomwe ili pamwamba ndi mapointi khumi ndi atatu ilandira Power Dynamos yamdziko la Zambia, RS Barkane yamdziko la Morocco yomwe ikufanana mapointi ndi Power Dynamos ilandira Rivers United yamdziko la Nigeria yomwe yatuluka kale mu mpikisanowu. Mu Gulu B, Al-Ahly yomwe nayonso yafika kale m'ma quarter-final ilandira AS FAR yamdziko la Morocco, pamene Young Africans yamdziko la Tanzania ikuyenera kugonjetsa JS Kabylie yamdziko la Algeria yomwe nayonso yatulutsidwa kale mu mpikisanu. Gulu C, yomwe palibe yodziwika kupitilira, Al-Hila yamdziko la Sudan yomwe imasewera mdziko la Rwanda, ilandira St Eloi Lupopo yamdziko la Congo, pamene Mamelodi Sundowns yamdziko la South Africa ikumana ndi MC Alger yamdziko la Algeria. Mu Gulu D, Stade Malien yamdziko la Mali yomwe yafika kale ndime ya quarter-final, ikumana ndi Simba SC yamdziko la Tanzania yomwe yatulutsidwa kale, ndipo Esperance yamdziko la Tunisia ilandira Petro de Luanda yamdziko la Angola.

>Komanso masewera a magulu a mpikisano wa CAF Confederation Cup akutha mapeto a sabata ino, ndipo matimu anayi otsala, a matimu asanu ndi atatu omwe atenge mbali m'ma quarter-final akuyenera kudziwika. Chimodzimodzi ngati mpikisano wa CAF Champions League, matimu awiri omalizira pamwamba apitilira. Mu Gulu A matimu awiri omwe apitilire adziwika kale, ndi USM Alger yamdziko la Algeria ndi Olympic Safi yamdziko la Morocco, koma akhala akulimbirana kumalizira pamwamba. Mu Gulu B, Wydad Casablanca yamdziko la Morocco ilandira Azam yamdziko la Tanzania, ndipo Maniema Union yamdziko la DRC ilandira Nairobi United yamdziko la Kenya mu mzinda wa Lubumbashi. Mu Gulu C, CR Belouizadad yamdziko la Algeria ndi AS Otoho yamdziko la Congo apambana kale kufika m'ma quarter-final. Mu Gulu D, Kaizer Chiefs yamdziko la South Africa yomwe ikungofuna pointi imodzi yokha ikumana ndi Zamalek yamdziko la Egypt mu mzinda wa Cairo, ndipo Al-Masry yamdziko la Egypt ilandira Zesco United yamdziko la Zambia yomwe yatuluka kale.

>Osewera makumi awiri, asanu ndi m'modzi amdziko la Nigeria, alandira chithandizo chachikulu chowalimbikitsa patsogolo pa masewera a 2026 Commonwealth Games omwe achitikire mu mzinda wa Glasgow mdziko la Scotland, pamene bungwe la National Sports Commission (NSC) mdzikomo, kudzera gawo lake la Elite and Podium Board, lapereka ndalama zamaphunziro zopitilira 148,000 dollars kwa osewera ochita bwino kwambiri. Ndalamazi zipundilira osewera akunja kwadzikolo komanso omwe amasewera mdzikomo, kuthandiza kukonzekera masewera monga mwa ena othamanga, onyamula zitsulo, omenyana a taekwondo, othamanga a anthu olumala, tennis yapa tebulo ya anthu olumala. Ntchitoyi ikugwirizana ndi udindo wa bungwe la NSC woyika patsogolo chisamaliro cha osewera, komanso chitukuko cha masewera a pamwamba.

Alex Nkhuku
Channel Africa News.

[ICYMI] Rais Cyril Ramaphosa atangaza kutumwa kwa jeshi kukabiliana na uhalifu.
Nixon Katembo anajibu maswali ya Ayam Shekifu.

mahojiano kamili; https://shrtlink.ai/chuE

#DarubiniyaAfrika #CyrilRamaphosa #AfricanUnion

Seja bem-vindo ao #Caleidoscopio com Mariamo Hassamo 🎙️

Uma hora de conversa, reflexão e diferentes perspectivas sobre os temas que marcam a actualidade. Junte-se a nós e participe neste espaço de diálogo e partilha.

#ChannelAfrica

Stay informed on #Zochitika, your trusted source for news and current affairs in #Chinyanja, presented by Mada Phiri from 7–8 PM CAT 🌍

#ChannelAfrica

Join Mariamo Hassamo on #Caleidoscopio – a News and Current Affairs show that provides the latest updates on major news stories.

The show covers breaking stories as we round up all the news events of the day, especially on the African Continent between 20:00 – 21:00 CAT
...#ChannelAfrica

This #WorldRadioDay 🎙 the #ChannelAfrica evening current affairs team takes a moment to reflect on the journey behind the mic, what radio truly means to them ❤️, and how artificial intelligence 🤖 is shaping the future of broadcasting.

#AfricanVoices #WorldRadioDay #FutureOfRadio